Monday, October 9, 2017

လျှောက်ထားလွှာ နှင့် သြဝါဒများ မှသည် . . . . .

သာသနာရေးနှင့် ယဉ်ကျေးမှု ၀န်ကြီးဌာန ပြည်ထောင်စုဝန်ကြီးက မန်း နပသ သင်ကြားစီမံ ဆရာတော်များကို တွေ့ဆုံးဖူးမျှော်၊ သာသနာရေး လျှောက်ထားပြီး လှူဖွယ်ဝတ္ထုများ ဆက်ကပ်ခဲ့သည်။ မန်း နပသ ဒု-ပါမောက္ခချုပ် ဆရာတော်နှင့် မော်ကွန်းထိန်းဆရာတော်တို့က သြ၀ါဒစကား မိန့်ကြားခဲ့ကြသည်။ နေရာမှာ မန်း နပသ မဟာဘွဲ့နှင်းဓမ္မာုံ ဖြစ်ပြီး အချိန်မှာ ယနေ့ နေ့လယ် တစ်နာရီမှ နှစ်နာရီခွဲအထိ ဖြစ်ခဲ့သည်။

ဝန်ကြီး၏ လျှောက်ထားချက် -

သာသနာရေး နှင့် ယဉ်ကျေးမှု ဌာနနှစ်ခုအတွက် တာဝန်နှစ်ခု ပူးတွဲ ယူထားရသည့်အတွက် အလုပ်များသဖြင့် ဆရာတော်များနှင့် ထိတွေ့ဆက်ဆံမှု နည်းပါးရသည်ကို ၀န်ကြီးက ရှေးဦးစွာ တောင်းပန်သည်။ သက်တမ်း သုံးဆယ့်တစ်နှစ် ရှိပြီဖြစ်သော သာသနာ့တက္ကသိုလ်ကြီးသည် ယခင်နှစ်က နှစ်သုံးဆယ်ပြည့် ပုလဲရတုပွဲတော်ကြီး ခမ်းနားစွာ ကျင်းပခဲ့ရာ . . . လာအို ခရီးစဉ်နှင့် တိုက်ဆိုင်နေသဖြင့် မတက်ရောက်နိုင်ခဲ့သဖြင့် ၀မ်းနည်းခဲ့ရကြောင်း လျှောက်ထားသည်။

ဆက်လက်၍ . . . ရခိုင်အရေး၊ အနောက်ဘက်နယ်စပ် လုံခြုံရေးနှင့် စပ်လျဉ်း၍ လက်ရှိအခြေအနေကိုလည်း လျှောက်ထားသည်။ ရခိုင်ပြည်နယ်အတွင်း တရားမ၀င် ဘင်္ဂါလီ ၀င်ရောက်မှု အန္တရာယ်ကို လျှောက်ထားသည်။ ဘင်္ဂလားဒေ့ရှ် နိုင်ငံသည် မြန်မာနိုင်ငံ၏ ရှမ်းပြည်နယ်လောက်သာ ကျယ်ဝန်းသော်လည်း နှစ်စဉ် လူဦးရေ တိုးပွားမှုနှုန်းမှာ ဆယ်ရာခိုင်နှုန်း ရှိနေပြီး လူဦးရေမှာ မြန်မာထက် သုံးဆ ရှိနေကြောင်း၊ မြေနေရာ ပိုမိုကျယ်ဝန်းသည့် မြန်မာနိုင်ငံ၏ နှစ်စဉ်လူဦးရေး တိုးပွားမှုနှုန်းမှာ တစ်ဒဿမ နှစ်ရာခိုင်နှုန်းသာ ရှိကြောင်း၊ မြေနေရာ ကျဉ်းမြောင်းပြီး လူဦးရေ အဆမတန် တိုးပွားသည့် အိမ်နီးချင်းနိုင်ငံသည် လူဦးရေ ထိန်းချုပ်ရန် မကြိုးစားဘဲ အိမ်နီးချင်း နိုင်ငံများသို့ ခိုးဝင်ထိုးဖောက်ရန်သာ အားပေးနေကြောင်း၊ အိန္ဒိယနိုင်ငံ လုံခြုံရေးအတွက် သံဆူးကြိုး နှစ်ထပ်ကာထားပြီး သံဆူးကြိုးနှစ်ထပ်ကြား မိုင်းထောင်ထားသည့်အပြင် ခိုးဝင်လာသူကို ပစ်သတ်သဖြင့် ခိုးဝင်ရန် မလွယ်ကြောင်း၊ မြန်မာနိုင်ငံ လုံခြုံရေးအတွက် သံဆူးကြိုး ကာရံမှုမှာ ခနော်ခနဲ့သာ ဖြစ်ခဲ့ကြောင်း၊ ယခုအခါ မြန်မာနိုင်ငံကလည်း နိုင်ငံတော် အစိုးရနှင့် အလှူရှင်များ၏ ငွေကြေးဖြင့် အိန္ဒိယကဲ့သို့ ခိုင်မာသည့် ခြံစည်ိးုး ကာရံမှု ပြုလုပ်နေပြီဖြစ်ကြောင်း လျှောက်ထားသည်။ ပြီးခဲ့သည့် ရခိုင်ပြဿနာ စစ်တပ်က နယ်မြေရှင်းလင်းမှု ပြုလုပ်ရာ ဘင်္ဂါလီများ ထွက်ပြေးကြရာ အစပိုင်း ထောင်ဂဏန်း၊ သောင်းဂဏန်းသာ ရှိကြောင်း၊ နယ်မြေအေးချမ်းပြီး နောက်ပိုင်း ထွက်ပြေးသည့် အရေအတွက်ကို ငါးသိန်းဟု ဆိုကြကြောင်း၊ အရင့်အရင် ထွက်ပြေးမှုများနှင့် ပေါင်း၍ ခုနစ်သိန်းထိ ပြောကြကြောင်း၊ ဤသို့ ဘင်္ဂါလီ အရေအတွက် တင်ပြရာ၌ ပိုလွန်မှုများရှိကြောင်း၊ တစ်ထောင်ကို သုံးထောင်၊ တစ်သောင်းကို သုံးသောင်း . . . ချဲ့ကားတတ်ကြောင်း လျှောက်ထားသည်။ ပြီးခဲ့သည့် ရခိုင်ကိစ္စနှင့် စပ်လျဉ်း၍ အကြမ်းဖက် ဘာသာဝင် နိုင်ငံများက မြန်မာနိုင်ငံကို ၀ိုင်းဝန်းရှုပ်ချကြကြောင်း၊ ကျီးအာသလို အာကြကြောင်း လျှောက်ထားသည်။ ၀ိုင်းအော်ကြသည့် အိုအိုင်စီ နိုင်ငံအရေအတွက်မှာ ငါးဆယ့်ခုနစ်နိုင်ငံ ရှိသော်လည်း ဗုဒ္ဓဘာသာ နိုင်ငံများက မဆိုင်သလို . . . သည်းခံနေကြကြောင်း လျှောက်ထားသည်။

ယခုအခါ ကမ္ဘာ့ဗုဒ္ဓဘာသာ အဖွဲ့အစည်းတစ်ခု လိုအပ်နေပြီဖြစ်ကြောင်း၊ ထိုအဖွဲ့အစည်းကို မြန်မာနိုင်ငံက ဦးဆောင်ရမည်ဖြစ်ကြောင်း လျှောက်ထားသည်။ ၀န်ကြီးတက်ရောက်ခဲ့သည့် ကမ္ဘာ့အစည်းအဝေးများ၌ . . . မြန်မာက ဦးဆောင်၍ အဖွဲ့အစည်းတစ်ခု တည်ထောင်ရန် ဗုဒ္ဓဘာသာ အဖွဲ့အစည်း အသီးသီးက တိုက်တွန်းခဲ့ဖူးကြောင်း၊ တရုတ်ဗုဒ္ဓဘာသာအဖွဲ့၊ ဂျပန်ဗုဒ္ဓဘာသာအဖွဲ့၊ ကိုးရီးယားဗုဒ္ဓဘာသာအဖွဲ့ အစရှိသော အဖွဲ့အစည်းများက တိုက်တွန်းကြကြောင်း လျှောက်ထားသည်။ ၀န်ကြီး၏ အတွေ့အကြုံအရ . . . မဟာယာန ဘုန်းတော်ကြီးများသည် သက်သတ်လွတ် အသီးအရွက် ညစာစားသော်လည်း အခြားသော မဟုတ်မဟတ်များ မလုပ်ကြသဖြင့် ထေရ၀ါဒ ရဟန်းတော်များနှင့် ပေါင်းစည်းရန် ပြဿနာ မရှိကြောင်း လျှောက်ထားသည်။ ဗုဒ္ဓဘာသာအဖွဲ့တစ်ခု ပေါ်ပေါက်ရန် ဆန္ဒရှိကြသော်လည်း လက်တွေ့ လုပ်ဆောင်သည့် Action Plan မရှိသေးကြောင်း လျှောက်ထားသည်။

ကမ္ဘာ့အဆင့် ဗုဒ္ဓဘာသာအဖွဲ့ ဖွဲ့စည်းရေးမှာ ကျယ်လွန်းနေပြီး ကနဦးအနေဖြင့် အာရှဗုဒ္ဓဘာသာအဖွဲ့ တည်ထောင်ရမည်ဖြစ်ကြောင်း လျှောက်ထားသည်။ ဤအစီအစဉ်ကို နိုင်ငံတော် အတိုင်ပင်ခံပုဂ္ဂိုလ်ထံ တင်ပြရာ မူအားဖြင့် သဘောတူထားပြီးဖြစ်ကြောင်း၊ ရုံးထိုင်၍ ကမ္ဘာနှင့် ဆက်ဆံနိုင်မည့် အာရှဗုဒ္ဓဘာသာအဖွဲ့ ဖွဲ့စည်းနိုင်ရေးအတွက် တစ်လအတွင်း စုံညီအစည်းအဝေး ခေါ်ယူရန်ရှိကြောင်း၊ ထိုအဖွဲ့ လည်ပတ်ရေးအတွက် ငွေကြေးကုန်ကျစရိတ်ကို သာသနာပြု အဖွဲ့အစည်းများက ထောက်ပံ့ကြမည်ဖြစ်ရာ အခက်အခဲ မရှိကြောင်း၊ လူ့စွမ်းအင် အရင်းအမြစ်အတွက် သာသနာ့တက္ကသိုလ်က မွေးထုတ်ထားသည့် စွမ်းရည်ပြည့် ရဟန်းတော်များဖြင့် အားဖြည့်ပေးစေလိုပါကြောင်း လျှောက်ထားသည်။ ဦးဆောင် ရဟန်းတော်များအနေဖြင့် ဓမ္မအရေးအပြင် လောကအရေး၊ နိုင်ငံရေး သိရှိရမည်ဖြစ်ကြောင်း၊ ဘာသာခြားတို့အကြောင်း သိထားရမည်ဖြစ်ကြောင်း၊ ကမ္ဘာသုံးဖြစ်သည့် အင်္ဂလိပ်ဘာသာစကားလည်း တတ်ကျွမ်းရမည်ဖြစ်ကြောင်း လျှောက်ထားသည်။

ဒု-ပါမောက္ခချုပ်ဆရာတော်၏ သြ၀ါဒ -

မကောင်းမှု ပြုလုပ်ရန် လွယ်ကူသော်လည်း မိမိအတွက်ရော သူတစ်ပါးအတွက်ပါ ကောင်းမြတ်သည့်အလုပ်၊ ကုသိုလ်ပြုလုပ်ရန် မလွယ်ကူကြောင်း၊ ကောင်းမြတ်သည့်အလုပ် ပြုလုပ်ရာ၌ အားစိုက်ထုတ်မှု ၀ီရိယ ထည့်ပေးရကြောင်း မိန့်ကြားသည်။ အောင်မြင်ခြင်း၊ ဘုန်းကြီးခြင်းနှင့် လောဘ ဒေါသ မောဟ အကုသိုလ်တို့ကို တစ်ဘက်စီ ထည့်ချိန်လျှင် အကုသိုလ်ဘက်က လျော့နေအောင် ကြိုးစားရမည်ဖြစ်ကြောင်း မင်းကွန်းဆရာတော် ဘုရားကြီး၏ သြ၀ါဒကို အခြေခံ၍ စကားလက်ဆောင် ပေးတော်မူသည်။

မော်ကွန်းထိန်းဆရာတော်၏ သြ၀ါဒ -

ဝန်ကြီးလျှောက်ထားသည့်အတိုင်း သာသနာပြု ရဟန်းတော်များ လောကအရေး နိုင်ငံရေးတို့ သိထားရမည်ဖြစ်ကြောင်း၊ ရှေးမင်းများလက်ထက် သာသနာပိုင် ခန့်ထားရာ၌ စာတတ်ရုံသက်သက်နှင့် ခန့်ထားသည် မဟုတ်ကြောင်း မိန့်ကြားသည်။ လောကရေး၊ ဓမ္မရေး၊ ရာဇရေး တတ်သိရကြောင်း၊ ရာဇရေး ဆိုသည်မှာ နိုင်ငံရေးပင်ဖြစ်ကြောင်း မိန့်ကြားသည်။ မျက်မှောက်ခေတ် မြန်မာနိုင်ငံ စာသင်တိုက်များ၏ ရည်ရွယ်ချက်မှာ စာသင်-စာချ အလုပ်လုပ်ရန်မျှသာ ဖြစ်သော်လည်း သာသနာ့တက္ကသိုလ်၏ ရည်ရွယ်ချက်မှာ ပြည်တွင်းပြည်ပ သာသနာပြုရန် ဖြစ်သောကြောင့် မွေးထုတ်သည့် စာသင်သားချင်း မတူကြောင်း၊ သာသနာပြုနိုင်ရန်အတွက် ဘာသာခြားတို့အကြောင်း၊ လောကအကြောင်း သင်ရိုးညွှန်းတမ်းဖြင့် လေ့ကျင့်သင်ကြားထားသည့် သာသနာ့တက္ကသိုလ် စာသင်သားများသည် ၀န်ကြီးစိတ်ကူးသည့် အာရှဗုဒ္ဓဘာသာအဖွဲ့အတွက် စွမ်းဆောင်နိုင်ကြမည်ဖြစ်ကြောင်း မိန့်ကြားသည်။

သာသနာရေးနှင့် စပ်လျဉ်း၍ ကိုရီးယား ဆရာတော်တစ်ပါး လျှောက်ထားခဲ့ဖူးသည့် အကြောင်းအရာကိုလည်း ပြန်လည်မိန့်ကြားသည်။ ကိုရီးယားနိုင်ငံမြန်မာ ဗုဒဘာသာ အလုပ်သမား ငါးသိန်းခန့် ရှိနေပြီး အလုပ်ရှင်များမှာ ခရစ်ယန်ဘာသာဝင်များ ဖြစ်နေသဖြင့် ဗုဒဘာသာ အလုပ်သမားများကို ခရစ်ယန်ဘာသာဝင် ဖြစ်သွားအောင် အရာရှိတို့က နည်းမျိုးစုံဖြင့် စည်ုးံးကြမည်ဖြစ်ကြောင်း၊ ဤနည်းဖြင့် စည်ုးံးသဖြင့် ကိုးရီးယားဗုဒဘာသာများ ခရစ်ယန် ဖြစ်သွားကြရကြောင်း၊ ကိုရီးယားအလုပ်လုပ်နေသည့် မြန်မာ ဗုဒဘာသာ အလုပ်သမားများ ဘာသာကူးပြောင်း မသွားရေးအတွက် ကိုရီးယားသို့ မြန်မာ သာသနာပြု ရဟန်းတော်များ စေလွှတ်သင့်ကြောင်း အကြံပေးသည့် ကိုရီးယား ဆရာတော်၏ လျှောက်ထားချက်ကို မိန့်ကြားသည်။ ထိုသို့ လျှောက်ထားသော်လည်း . . . ၀န်ကြီးလျှောက်ထားသကဲ့သို့ Action Plan မရှိသေးကြောင်း မိန့်ကြားသည်။

အနှစ်ချုပ် -

အချုပ်ဆိုရသော် . . . ၀န်ကြီး လျှောက်ထားသည့်အတိုင်း ခိုးဝင် ဘင်္ဂါလီများကို အိန္ဒိယ ကဲ့သို့ တားဆီးနိုင်ရေး၊ ထွက်ပြေး ဘင်္ဂါလီ အရေအတွက် လွန်လွန်ကျူးကျူး များပြားနေသည်ကို စနစ်တကျ စိစစ်နိုင်ရေး၊ ဗုဒဘာသာအတွက် ခုခံခြင်း တွန်းချဲ့ခြင်းများ ပညာသားပါပါ လုပ်ဆောင်ပြမည့် အာရှဗုဒဘာသာ အဖွဲ့အစည်းတစ်ခု ပေါ်ပေါက်နိုင်ရေး လက်တွေ့ လုပ်ဆောင်နိုင်ပါစေကြောင်း . . .။

:)
ရှင်အာစာရ
(ခေတ္တ - မန္တလေး)

No comments:

Post a Comment