Saturday, April 8, 2017

သိမှတ် ပွားများ၊ တိုက်ခိုက်သွား၊ ထိန်းထား မငဲ့ညှာ

(Apr 5, 2017)

(စစ်ကိုင်းတိုင်း၊ ဘုတလင်မြို့နယ်၊ ညောင်ရိပ်သာရွာ၊ ရမ္မာဝတီ မုံပင်ဆရာတော် အရှင်ယသကို နောက်ဆုံးပူဇော်သည့် အန္တိမပူဇာ ဓမ္မသဘင်)

"သိမှတ် ပွားများ၊ တိုက်ခိုက်သွား၊ ထိန်းထား မငဲ့ညှာ"

တရားနာမည်က ရှည်တယ်။ တရားနာမည်ထဲမှာ တရားအနှစ်ချုပ် ပါသွားပြီ ဖြစ်တဲ့အတွက် မှတ်မိအောင် လိုက်ဆိုကြပါ။
"သိမှတ် ပွားများ၊ တိုက်ခိုက်သွား၊ ထိန်းထား မငဲ့ညှာ"

၁။ အသိအမှတ်ပြုပါ၊
၂။ ပွားများပါ၊
၃။ ထိုးစစ်ဆင် တိုက်ခိုက်ပါ၊
၎။ ဆက်လက်ထိန်းသိမ်းထားပါ၊
၅။ မငဲ့ကွက်ပါနဲ့။


ကုမ္ဘူပမံ ကာယမိမံ ဝိဒိတွာ၊
နဂရူပမံ စိတ္တမိဒံ ဌပေတွာ။
ယောဓေထ မာရံ ပညာဝုဓေန၊
ဇိတဉ္စ ရက္ခေ အနိဝေသနော သိယာ။


၁။ ခန္ဓာကိုယ်ဟာ မြေအိုးနဲ့ တူပါတယ်။ ကွဲတတ်ပါတယ်။ ရှတတ်ပါတယ်။ ဒီသဘာဝကို သိထားရပါမယ်။ ကွဲပျက်ရုံတင်မကဘူး။ စူးတတ်ရှတတ်သေးတာ။ ခန္ဓာ့သဘာဝအတိုင်း သေကြပျက်ကြ ကွဲကြပြီဆိုရင် ဆက်စပ်ပတ်သတ်သူတွေ ပူဆွေးကြရတယ်ဆိုတာ အိုးကွဲ စူးရှတာပဲ။

အိုးနှင့်တူစွာ၊ တို့ခန္ဓာ၊ သေချာ သိရမည်။

၂။ ကောင်းတဲ့စိတ်တွေ ပွားအောင်များအောင် လုပ်ထားရမယ်။ ကုသိုလ်နဲ့ ကာကွယ်မထားရင် စိတ်ဟာ မလုံခြုံဘူး။ ကျုံးတွေ မြို့ရိုးတွေနဲ့ လုံလုံခြုံခြုံ ကာကွယ်ထားတဲ့ မြို့တော်လိုဖြစ်အောင် စိတ်ကို ကာကွယ်ရမယ်။ ဘုရားကိုသတိရတယ်။ ဘုရားမှန်း တရားမှန်းသိတယ်။ တစ်ခါတည်း သိတာ မဟုတ်ဘဲ ခဏခဏ အထပ်ထပ် သိနေတာကို ဘာဝနာလို့ခေါ်တယ်။ ပါဠိလိုက ဘာဝနာ။ မြန်မာလို ပွားတယ်လို့ အဓိပ္ပာယ်ရတယ်။ များအောင်လုပ်တာ။ ကူညီဖေးမတာတွေ၊ မေတ္တာထားတာတွေ များအောင်လုပ်ရတယ်။ ကုသိုလ်မျိုးစုံ များအောင် ပွားတော့ စိတ်က လုံခြုံသွားတယ်။ မဟုတ်ရင် အကုသိုလ်။ စိတ်ထဲမှာ မလုံမလဲ။

မြို့နှင့်တူစွာ၊ စိတ်ကိုသာ၊ သေချာ စောင့်ရမည်။

၃။ ကိလေသာ ရန်သူတွေ စိတ်ထဲ ဝင်မလာအောင် ပညာလက်နက်နဲ့ တိုက်ထုတ်ရတယ်။ ပညာဆိုတာ ခွဲခြားပြီး သိတဲ့ အသိကို ပြောတာ။ မှားသလား မှန်သလား၊ ဆိုးသလား ကောင်းသလား၊ သင့်တော်သလား မသင့်တော်ဘူးလား ခွဲခြားသိတာဟာ ပညာပဲ။ ဒီပညာ မရှိရင် စိတ်အညစ်အကြေးတွေကို တိုက်ထုတ်ဖို့ လက်နက်မဲ့သွားပြီ။ 
 
လက်နက်ပညာ၊ ကိုင်စွဲကာ၊ သေချာ တိုက်ရမည်။

၎။ ရန်သူကိုအောင်ပြီ၊ စိတ်ကောင်းလေး ရပြီ၊ စိတ်ဓာတ် လုံခြုံပြီဆိုရင် ဆက်လက်ထိန်းသိမ်း ထားရမယ်။ အောင်ပြီးသားကို ထိန်းသိမ်းစောင့်ရှောက်ထားရမယ်။ ပစ်ထားလိုက်ရင် ရန်သူ့လက်ထဲ ပြန်ပါသွားမယ်။

နိုင်ပြီးသောခါ၊ လုံဖို့ရာ၊ သေချာ ထိန်းရမည်။

၅။ ခန္ဓာကိုယ်ရဲ့ ကွဲပျက်တတ်တဲ့ သဘာဝကို သိမှတ်တဲ့အခါ၊ စိတ်ကို ထိန်းသိမ်းတဲ့အခါ၊ ကုသိုလ်ပွားတဲ့အခါမှာ ဘာကိုမှ မငဲ့ကွက်ပါနဲ့။ မှန်မှန်ဖြောင့်ဖြောင့်ပဲ ဖြစ်ရမယ်။ သားကျွေးမှု မယားကျွေးမှုကြောင့်၊ မိသားစုကို ငဲ့ကွက်ပြီး လမ်းကောက်သွားရင်၊ အမှားလုပ်မိရင် ကိုယ်ပဲ ခံရမှာ။ တရားနာရတာ ညောင်းတယ်၊ ခါးနာလို့ တရားမထိုင်နိုင်ဘူး။ မြေအိုးလို ကွဲပျက်တတ်တဲ့ ခန္ဓာကို ငဲ့နေတာ။ ငဲ့စရာ အမျိုးမျိုးကြောင့် ကုသိုလ်နဲ့ဝေးတယ်၊ အကုသိုလ်တွေ ပြုမိတယ်။ ကိုယ်ငဲ့ရင် ကိုယ်ခံ။ 

မငဲ့မညှာ၊ ဖြောင့်စင်းစွာ၊ သေချာ ကျင့်ရမည်။

ဓမ္မဒီပ @ ဓမ္မဓရ

(Apr 2, 2017)

"ရှေးကတော့ ရဟန်းတော်တွေပဲ စာပေရိယတ္တိ သင်ယူပို့ချကြတာ။ လူပုဂ္ဂိုလ်တွေ သင်ယူပို့ချတာ တော်တော်ရှားတယ်။ စာပေသင်ယူကြတဲ့ ရှင်ရဟန်းတွေကို သတိပေးတဲ့ ရှေးက ဆုံးမစကားတစ်ခု ရှိတယ်။
ကိုယ်မှာ မတတ်၊
စာမှာတတ်၊
ဂါဟတ် ကိုက်တတ်သည် - တဲ့။
စာတော့တတ်တယ်။ တတ်ထားတဲ့စာကို ဘဝထဲရောက်အောင် မယူနိုင်ဘူး။ အဲ့ဒီလိုဆိုရင် ဂါဟတ် ကိုက်တာခံရလိမ့်မယ် တဲ့။ ဂါဟတ်ဆိုတာ အိမ်ကို ပြောတာ။ အိမ်ကိုက်တယ်ဆိုတာက လူထွက်တာ။ စာတတ်ပြီး စာအတိုင်း လိုက်မကျင့်နိုင်ရင် လူထွက်တတ်တယ်လို့ ဆိုလိုတာ။ ဓမ္မပဒ နှင့် ဘဝနေနည်းသင်တန်း တက်ကြတဲ့ ဓမ္မဒီပ သင်တန်းသူ သင်တန်သားတွေကတော့ လူဝတ်ကြောင်တွေမို့ လူထွက်မှာတော့ ပူစရာ မလိုပါဘူး။ ဂါဟတ် ကိုက်တတ်သည် ဆိုတဲ့ ဆုံးမစကားကို လူတွေနဲ့ သင့်လျှော်အောင် အဓိပ္ပာယ် ကောက်ရမယ်ဆိရင့့့်  စာအတိုင်း မကျင့်နိုင်ရင် ဘဝဆိုးလိမ့်မယ်။ မိုက်မဲတဲ့ ဘဝ၊ အောက်တန်းကျတဲ့ဘဝ ရလိမ့်မယ်။ အဲ့ဒါ ဂါဟတ်ကိုက်တာပဲ။
သင်တန်းနာမည် ပေးထားတဲ့အတိုင်း ဓမ္မပဒကနေ ဘဝနေနည်း ယူရမယ်။ ဘာသင်တန်းတက်တက်၊ ဘာစာမေးပွဲအောင်အောင် ဘဝအတွက် အသုံးကျမှ တန်ဖိုးရှိတာ။
ဓမ္မပဒသင်တန်း၊ အဘိဓမ္မာသင်တန်း၊ ဝိသုဒ္ဓိမဂ်သင်တန်း။ အဆင့်မြင့်သင်တန်းတွေမှ မဟုတ်ပါဘူး။ စာအုပ်ဖတ်၊ သတင်းစာဖတ်။ စာအုပ်ကနေ၊ သတင်းစာကနေ ဘဝအတွက် အသုံးဝင်တာတွေ ယူနိုင်ဖို့ လိုပါတယ်။
ညအခါ
လသာသာ
ကစားမလား
နားမလား။
သူငယ်တန်း ဖတ်စာ။

ညအခါ။ ညဆိုတာ မှောင်တယ်။ လောကကို ပြောတာ။ လောကရဲ့ သဘာဝက အမှောင်ပဲ။ အန္ဓိဘူတော အယံ လောကော။ ဒီလောကမှာ အမှောင်မောဟတွေ ပြည့်နေတယ်လို့ မြတ်စွာဘုရား ဟောထားတဲ့ အတိုင်းပဲ။ ဒါပေမယ့့့် ။
လသာသာ။ လသာရင် ည မမှောင်တော့ဘူး။ သာသနာ ထွန်းကားချိန်မှာ လောကဟာ လင်းနေတယ်။ သာသနာတော်ကြောင့် မောဟအမိုက် ပျောက်သွားတယ်။ ဒီလို အခြေအနေမှာ့့့ ။
ကစားမလား
နားမလား။
ပျော်လိုက်ပါးလိုက်၊ စားလိုက်သောက်လိုက်။ ကစားနေမှာလား။ လောက ကိစ္စတွေနဲ့ ကစားနေမှာလား။ မမောသေးဘူးလား။ နားတော့မလား။ တရားဓမ္မနဲ့ အေးအေးဆေးဆေး နားမလား။ ဘယ်လောက်ထိအေးအောင် နားမှာလဲ။ ကစားမလား၊ နားမလား။ ဘဝအတွက် အသုံးဝင်တဲ့ မေးခွန်း ထုတ်ကြည့်ပါ။

ဘယ်လိုစာဖြစ်ဖြစ် ဘဝထဲ ထည့်နိုင်အောင် ကြိုးစားကြပါ။ သင်ယူထားတဲ့ ဓမ္မပဒကို ဘဝအတွက် လက်တွေ့ အသုံးချနိုင်ကြပါစေ။"

အဝေးပြေးလမ်း နှင့် သိမ်သမုတ်ချိန်

(March 23, 2017)

"ကိုးနာရီကားတောင် အတားခံရတယ် . . . . .။"
"တောက်။ တော်တော် အတ္တကြီးတဲ့ ဘုန်းကြီးတွေပဲ။"

-----

ရန်ကုန်-မန္တလေး အမြန်လမ်း မိုင်တိုင်အမှတ် (၃၆၀)လောက် ဖြစ်မည် ထင်သည်။ မန္တလေးက ထွက်ခဲ့ပြီး ကျောက်စိမ်းဘုရား ကျော်ခဲ့သည်မှာ မကြာသေးပေ။ အမြန်လမ်းပေါ်၌ ရပ်ထားရသည့် ကားတန်းကြီးမှာ နှစ်မိုင်ကျော်လောက်သည်။ ဘုန်းကြီးပါသော ကားများ ရပ်ထားရသည်။ ရှေ့နယ်အတွင်း၌ နယ်ခံ ဘုန်းကြီးများ သိမ်သမုတ်နေသောကြောင့် သံဃာမဝင်ရဟု တားမြစ်နေခြင်း ဖြစ်သည်။
နယ်ခံ ရဟန်းများ သိမ်သမုတ်နေချိန်၌ ဧည့်သည်ရဟန်းများ နယ်တွင်းသို့ မဝင်ရောက်ရသည်မှာ မှန်သည်။ သိမ်သမုတ်ခြင်း အောင်မြင်အောင် ကူညီသည့် အနေဖြင့် နယ်၏ အပြင်ဘက်မှ စောင့်ပေးရမည်။ ဤကား ဧည့်သည် ရဟန်းတို့၏ တာဝန်။ သိမ်သမုတ်သည့် နယ်ခံရဟန်းများ ဘက်ကလည်း . . . အသွားအလာ ကင်းဆိတ်ချိန်မှာမှ သိမ်သမုတ်သင့်သည်။
ကိုးနာရီ ဆိုသည်မှာ သိမ်သမုတ်ရန် စောလွန်းသေးသည်။ အထူးသဖြင့် ရန်ကုန်-မန္တလေး အမြန်လမ်း၌ ညကားများကို ဤကဲ့သို့ တားမြစ်နေသည်မှာ လွန်လွန်းသည်။

----

"၁၂ နာရီ လောက်မှ သိမ်သမုတ်တော့ ဘာဖြစ်မှာမို့လဲ။"
"သူတို့ အိပ်ရေးပျက်မှာစိုးလို့ ဖြစ်မယ်။"
"တောက်။ တော်တော် အတ္တကြီးတဲ့ ဘုန်ကြီးတွေပဲ။"
"သာသနာတော်ကြီး တော်တော်ကြီး ကြီးပွားအုံးမှာပဲ။"

-----

ရန်ကုန်-မန္တလေး အမြန်လမ်း နယ်အတွင်း ညကိုးနာရီအချိန် သိမ်သမုတ်ခြင်းသည် အဆိုပါ သံဃာ့ကံကို ဦးဆောင်ညွှန်ကြားသူက ခရီးသွား သံဃာကို မငဲ့မညှာ နှိပ်စက်ရာရောက်သည်။ ခရီးသွား ပြည်သူများကို ထီမထင်ရာလည်းရောက်သည်။
အမျိုးအတွက် ဖြစ်စေ၊ ဘာသာအတွက် ဖြစ်စေ၊ သာသနာအတွက် ဖြစ်စေ တစ်ဘက်သတ် အခွင့်အရေး မယူလွန်းသင့်။ အခြားတစ်ဘက်သို့ ရောက်ရှိမည့် သက်ရောက်မှုကိုလည်း ထည့်သွင်းစဉ်းစားကာ လူကြီးလူကောင်းစိတ် မွေးမြူသင့်သည်။