Good News - သတင်းကောင်း

Eunos MRT Stationမှ သုံးမိနစ်ခန့် လမ်းလျှောက်လျှင် မင်္ဂ၀ိလဟာရကျောင်းတိုက် (Mangala Vihara Buddhist Temple, 30 Jalan Eunos, Singapore 419495)သို့ရောက်ရှိသည်။ ထိုသို့ အချက်အချာကျသည့် နေရာ၌ တည်ရှိသည့် အဆိုပါကျောင်းတိုက်၌ ဗုဒ္ဓဘာသာပညာရေး သင်တန်းများ ဖွင့်လှစ်သင်ကြားပေးလျက်ရှိသည်။  Buddhist and Pali College of Singapore ၊ Sunday Dhamma School နှင့် Chanting Classes တို့မှာ ကျောင်းတိုက်၏ အဓိကကျသော ပညာရေးနှင့် ဘာသာရေးသင်တန်းများ ဖြစ်ကြသည်။

အမျိုးဘာသာသာသနာအတွက် ဆောင်ရွက်ကြရာတွင် နေရာအခက်အခဲဖြစ်နေကြသည့် စင်ကာပူနိုင်ငံရှိ မြန်မာပရဟိတနှင့် ဘာသာရေးအသင်းအဖွဲ့များ အဆိုပါကျောင်းတိုက်၌ အပတ်စဉ်တရားပွဲများကျင်းပရန်၊ ယဉ်ကျေးလိမ်မာသင်တန်းများနှင့် အဘိဓမ္မာစသော ဓမ္မရေးရာသင်တန်းများ ဖွင့်လှစ်ရန် တံခါးဖွင့်လိုက်ပြီ ဖြစ်ကြောင်း ကျောင်းထိုင်ဆရာတော် အရှင်စိတ္တရက အသင်းအဖွဲ့များအား ဖိတ်ခေါ်အသိပေးလိုက်သည်။

သင်ထောက်ကူပစ္စည်းများ၊ စာသင်ခန်းများ၊ ခန်းမများ ပြည့်ပြည့်စုံ ရှိနေသည့် အဆိုပါကျောင်းတိုက်၌ တရားပွဲများ သင်တန်းများ ပြုလုပ်ကြမည့် စင်္ကာပူရောက် မြန်မာများ အနေဖြင့် ပုဂ္ဂိုလ်စွဲ ဂိုဏ်းဂဏစွဲ ကင်းရှင်းရန် လိုအပ်ကြောင်း၊ စည်းလုံးညီညွတ်မှု စည်းကမ်းသေ၀ပ်မှု အပြန်အလှန်လေးစားမှုနှင့် အပြန်အလှန်နားလည်မှုများ လိုအပ်ကြောင်း၊ အခြားအကြောင်းအချက်များ အထွေအထူး မလိုအပ်လှကြောင်း ကျောင်းထိုင်ဆရာတော်က မိန့်ကြားသည်။

ဆရာတော်၏ စိတ်ကူးနှင့် စေတနာတို့ အကောင်အထည် ပေါ်လာရေးအတွက် ကျောင်းတိုက်၏ Management Committee ၀င်များနှင့် ဒကာဒကာမများကလည်း အလေးအနက် ထောက်ခံပံ့ပိုးသွားမည်ဖြစ်ကြောင်း သိရှိရသည်။

Related:

http://dhammaganga.blogspot.com/2011/07/blog-post_14.html