June 19, 2021
သိသာလွန်းတယ်
ဒါဟာ မနာလိုခံရတဲ့ ပန်း
အနံ့ အဆင်းနဲ့ အချင်းက
ကမ္ဘာ့ ဧတဒဂ် ရထားတယ်
အမျိုးလေးပါးတွေ မြတ်နိုးသလောက်
သူခိုးခွေးသားတွေ မနာမလို
မိစ္ဆာတွေ မနာလို
ပြိတ္တာတွေ မနာလို
ဘီလူးတွေ မနာလို
အရူးတွေ မနာလို
ပဒေသရာဇ်တွေ မနာလို
ဧကရာဇ်တွေ မနာလို
မှူးကြီးမတ်ရာ သေနာပတိတွေ မနာလို
သိက္ခာပုဒ်တွေ လည်မှာဆွဲ
ငရဲလားမယ့် ဂိဇ္စျကုဋ်တွေတောင် မနာလို
မနာလိုခြင်း ရာသီတွေ စိတ်လိုလက်ရ ဖောက်ပြန်တိုင်း
ရေကြီးရေလျှံ မုန်တိုင်းထန် မိုးခေါင်တိုင်း
ကြွေမကျတဲ့ ပန်း
မြေမခတဲ့ ပန်း
နုပျိုချိန်မှ ရင့်အိုသည့်တိုင်
ကြိုင်နေဆဲ ပန်း
မနာလိုခံရတဲ့ ပန်း။
:)
ရှင်အာစာရ
(19June, 2021)
No comments:
Post a Comment