Mar 14, 2021
-----
"အားလုံးက R2P ပြောနေကြပါတယ်။ ဗိုလ်ချုပ်တို့ အနေနဲ့ R2P ဝင်လာမှာကို မစိုးရိမ်ဘူးလား။"
"မစိုးရိမ်ပါဘူး။ ခင်ဗျားတို့ မီဒီယာတွေ အလွန်အကျွံ မဖွကြဖို့ သတိပေးထားမယ်။ R2P အကြောင်း နားမလည်ဘဲ R2P မပြောကြပါနဲ့။ ခင်ဗျားတို့ အားလုံးသိအောင် ကျွန်တော် ပြောထားမယ်။ R2P ဆိုတာ responsible to protect ကို ပြောတာပါ။ ကာကွယ်စောင့်ရှောက်ဖို့ တာဝန်ရှိတယ်လို့ အဓိပ္ပာယ် ရပါတယ်။ အခု ကျွန်တော်တို့ ကာကွယ်နေတာပဲ။ ကျွန်တော်တို့ နိုင်ငံကို . . . အမေရိကန်လည်း လာကာကွယ်ဖို့ မလိုဘူး။ ကုလသမဂ္ဂလည်း မလိုပါဘူး။ ဒါဟာ ကျွန်တော်တို့ ပြည်တွင်းရေးပါ။ အပြင်ကနေ လာပြီးတော့ ကာကွယ်တယ် . . . ကုလသမဂ္ဂ လုံခြုံရေးကောင်စီက လာပြီးတော့ ကာကွယ်တယ်ဆိုတာ . . . ဘယ်လိုလုပ် ဖြစ်နိုင်မှာလဲ။ ဦးနှောက်ရှိရင် စဉ်းစားကြပါ။ ကုလသမဂ္ဂ လာချင်တိုင်း လာလို့ မရပါဘူး။ ကုလသမဂ္ဂ လာမယ်ဆိုရင်တောင် တရုတ်နဲ့ ရုရှားက ဗီတို အာဏာနဲ့ ပယ်ချလို့ ရပါတယ်။ သူတို့ လာဖို့ ဆိုတာလည်း . . . ဆိုပါစို့ဗျာ . . . လူမျိုးတုံး သတ်ဖြတ်မှု ဖြစ်နေတယ်ဆိုရင် . . . လာပြီးတော့ ကာကွယ်မယ်။ ဒါတောင် ဗီတိုအာဏာနဲ့ ကန့်ကွက်ပယ်ချတာကို ကျော်နိုင်မှ လာလို့ ရမှာနော်။ ကျွန်တော်တို့ဘက်ကလည်း ဒီအဆင့်ထိ အရောက်မခံပါဘူး။ ကျွန်တော်တို့မှာ စဉ်းစား တွေးခေါ်ဉာဏ် ရှိပါတယ်။ ကျွန်တော် ကတိပေးပါတယ်။ အားလုံးသော . . . ကချင်၊ ကယား၊ ကရင်၊ ချင်း၊ မွန်၊ မြန်မာ၊ ရခိုင်၊ ရှမ်း . . . ကျွန်တော်တို့ရဲ့ တိုင်းရင်းသား ပြည်သူတွေ . . . မျိုးတုံးအောင် မသတ်ပါဘူး။ ဘယ်တိုင်းရင်းသားမှ မျိုးမတုံးစေရပါဘူး။ အလေးအနက် ကတိပေးပါတယ်။ မလွှဲသာ မရှောင်သာ သတ်ရတယ် ဆိုရင်တောင် . . . အလွန်ဆုံးအဆင့် ပြောမယ်နော် . . . မျိုးတုံးအောင်တော့ မသတ်ပါဘူး။ မျိုးမတုံးအောင် . . . တစ်ယောက်နှစ်ယောက်တော့ ချန်ထားမှာပါ။"
" ငှင့်။ 
"
"
No comments:
Post a Comment