ဗုဒ္ဓဘာသာ ဟူသည်မှာ

(Jan 20, 2017 ၊
စိုင်ပြင်ရွာ ဦးဇော်မင်းအောင် + ဒေါ်ယဉ်ယဉ်အေး မိသားစု ရှင်ပြုအလှူ

၁။ သံဃေန သမာနသုခဒုက္ခော ဟောတိ၊
သံဃာနှင့်လူ၊ အေးအတူ၊ ပူလည်းအမျှ နေနိုင်သည်။

၂။ ဓမ္မာဓိပတေယျော ဟောတိ၊
ဗုဒ္ဓတရား၊ အလေးထား၊ တစ်ခြားစွန့်၍ နေနိုင်သည်။

၃။ ယထာဗလံ သံဝိဘာဂရတော ဟောတိ၊
ပစ္စည်းဥစ္စာ၊ စွမ်းနိုင်ရာ၊ ခွဲကာ လှူနိုင်သည်။

၄။ ဇိနသာသနပရိဟာနိံ ဒိသွာ အဘိဝဎ္ဍိယာ ဝါယမတိ၊
သာသနာဘေး၊ ပျက်မည့်ရေး၊ မနှေးဖယ်နိုင်သည်။

၅။ သမ္မာဒိဋ္ဌိကော ဟောတိ၊
မှန်မှန်ကန်ကန်၊ အယူသန်၊ ဧကန်ယုံနိုင်သည်။
- အပဂတကောတူဟလမင်္ဂလိကော၊
လူနုံလူအ၊ ယူအဆ၊ စွန့်ချပယ်နိုင်သည်။
- ဇီဝိတဟေတုပိ န အညံ သတ္ထာရံ ဥဒ္ဒိသတိ၊
အသက်ပင်စွန့်၊ ယူမစွန့်၊ ရဲဝံ့နိုင်ပါသည်။

၆။ ကာယိကဝါစသိကဉ္စဿ ရက္ခိတံ ဟောတိ၊
ကိုယ်ကိုလည်းစောင့်၊ နှုတ်ကိုစောင့်၊ နှစ်စောင့် စောင့်နိုင်သည်။

၇။ သမဂ္ဂါရာမော ဟောတိ သမဂ္ဂရတော၊
ညီညွတ်ရေးမှာ၊ မွေ့ပျော်ကာ၊ ကောင်းစွာညီနိုင်သည်။
- အနုသူယကော ဟောတိ၊
မငြူမစောင်း၊ အပြောကောင်း၊ အကြောင်းချင့်နိုင်သည်။
- န စ ကုဟနဝသေန သာသနေ စရတိ၊
ဟန်ဆောင်ပလွှား၊ မဝါကြွား၊ တရားကျင့်နိုင်သည်။

၈။ ဗုဒ္ဓံ သရဏံ ဂတော ဟောတိ၊
ဘုရားရှင်ကို၊ ချစ်ကြည်ညို၊ လိုလိုလားလား ဆည်းကပ်သည်။

၉။ ဓမ္မံ သရဏံ ဂတော ဟောတိ၊
တရားတော်ကို၊ ချစ်ကြည်ညို၊ လိုလိုလားလား ဆည်းကပ်သည်။

၁၀။ သံဃံ သရဏံ ဂတော ဟောတိ။
သံဃာတော်ကို၊ ချစ်ကြည်ညို၊ လိုလိုလားလား ဆည်းကပ်သည်။
(မိလိန္ဒပဥှာ - ၁၀၂)

ဂုဏ်အင်ဆယ်ဝ၊ ပြည့်စုံက၊ ဗုဒ္ဓဘာသာ ခေါ်လေသည်။