လက်ကမ်းစာစဉ် - ၁

“အိမ်အစစ်”ဟာ ထိုင်းနိုင်ငံက ဆရာတော် Ajahn Chah Subhaddo (17 June 1918 - 16 January 1992)ရဲ့ “Our Real Home”ကို ဘာသာပြန်ထားတာ ဖြစ်ပါတယ်။ ဆရာတော်ဟာ ထိုင်းနိုင်ငံ မြောက်ပိုင်းက တောရဆရာတော်ကြီး တစ်ပါး ဖြစ်ပါတယ်။ မဟာဂန္ဓာရုံ ဆရာတော် အရှင်ဇနကာဘိဝံသ ပထမကြီးတန်း အောင်မြင်တော်မူခဲ့တဲ့နှစ်မှာ မွေးဖွားတော်မူခဲ့တာ ဖြစ်ပါတယ်။ မြောင်းမြ ပဇ္ဇောတာရုံ ဆရာတော် ဦးဥာဏိက (August 8, 1918 – June 8, 1997)နဲ့ သက်တော် အရွယ်တော် တူပါတယ်။ ထိုင်းနိုင်ငံ မြောက်ဖျားက လက်လုပ်လက်စား ကျေးလက်လယ်သမား မိသားစုမှာ မွေးဖွားကြီးပြင်းခဲ့တဲ့ ဆရာတော်ဟာ ခေတ်ပညာတွေ သိပ်မတတ်ပါဘူး။ အသက်ကိုးနှစ် အရွယ်မှာ ရှင်သာမဏေ ၀တ်ခဲ့ပြီး သာမဏေ ဘ၀နဲ့ ကျေးလက် ဘုန်းတော်ကြီးကျောင်းမှာ သုံးနှစ် ပညာသင်ယူခဲ့ပါတယ်။ ရေးတတ်ဖတ်တတ် ဖြစ်လာတာနဲ့ လူထွက်ပြီး တောင်သူလုပ်ငန်းခွင် ၀င်ခဲ့ရပါတယ်။ အသက် (၂၁)မှာ သာသနာ့ဘောင် ၀င်ရောက်ခဲ့ပြီ တောရဆရာတော်တစ်ပါး ဖြစ်လာခဲ့ပါတယ်။ ထိုင်းနိုင်ငံမှာ ဆရာတော်ရဲ့ သြ၀ါဒခံ ကျောင်းခွဲပေါင်း (၂၅၀)ရှိပါတယ်။ ကမ္ဘာတစ်ဝှန်းလုံးမှာလည်း ကျောင်းခွဲပေါင်း (၁၅)ကျောင်းနဲ့ လူဒကာဒကာမတွေ စီမံအုပ်ချုပ်တဲ့ တရားရိပ်သာ (၁၀)ခု ရှိပါတယ်။ ဆရာတော်ရဲ့ ထိုင်းနိုင်ငံဟာ ကမ္ဘာနဲ့ အဆက်အဆံ ကောင်းတဲ့အတွက် ဗုဒ္ဓဘာသာရဲ့ ဘာဝနာ အကျင့်ကို စိတ်ဝင်စားကြတဲ့ ကမ္ဘာသူ ကမ္ဘာသားတွေ ဆရာတော်ဆီကို လာရောက်ပြီး တပည့်ခံဖို့ လွယ်ကူတာကြောင့် ဆရာတော်ဟာ ခေတ်ပညာမတတ်၊ အင်္ဂလိပ်စာ အင်္ဂလိပ် စကားလည်း မတတ်ပေမယ့် ဆရာတော်ကို ကမ္ဘာက သိပါတယ်။ ဆရာတော်ရဲ့ အကျင့်သိက္ခာကို ကမ္ဘာက လေးစားကြပါတယ်။ ဆရာတော်ရဲ့ တရားတော်တွေကို သူ့တပည့်တွေက ဘာသာအမျိုးမျိုး ပြန်ဆိုပြီး ကမ္ဘာကို ဖြန့်ဝေကြပါတယ်။

“အိမ်အစစ်”ရဲ့ မူရင်းစာအုပ်က ဆရာတော် ထိုင်းဘာသာနဲ့ ဟောထားတဲ့ ဟောတရားကို အင်္ဂလိပ်ဘာသာ ပြန်ထားတာ ဖြစ်ပါတယ်။ အိပ်ယာထဲ လဲနေတဲ့ သေလူတစ်ယောက် ဘ၀ကူးကောင်းဖို့ မသေခင် တရားနဲ့ နေတတ်အောင် နည်းပေးလမ်းပြ လုပ်ထားပါတယ်။ သိမှတ်မှု သတိဟာ အားကိုးစရာ အိမ်အစစ် ဖြစ်တဲ့အတွက် နားနေစရာ အိမ်အစစ်နဲ့ တူတဲ့အကြောင်း၊ အဇ္ဈတ္တ ငြိမ်းချမ်းမှုဟာ ကိုယ်အိမ်အစစ် ဖြစ်တဲ့အကြောင်း လူမမာကို အဓိက ဦးတည်ပြီး ရှင်းပြထားပါတယ်။ အိုနာသေ သဘာဝ ဘေးဆိုးကို ဆင်ခြင်ဖို့နဲ့ လူမမာ မိဘကို ပြုစုရာမှာ မငြူစူကြဖို့လည်း လူမမာ ပြုစုတဲ့ သားသမီးတွေကို ဆုံးမထားပါတယ်။ သေလူသာ မကဘဲ သေသဘောရှိလို့ သေကြရမယ့် သူတွေတိုင်းလည်း အသေမြတ်အောင် နေတတ်ဖို့ နေနည်းနဲ့ အသေမဆိုးအောင် သေတတ်ဖို့ သေနည်းတွေ ယူထားကြရမယ့် ဟောကြားချက် ဖြစ်ပါတယ်။

:)

ရှင်အာစာရ