ကိုအ၀ှာနှင့် မအ၀ှာတို့သည် ရှေးဦးစွာ အွန်လိုင်းမိတ်ဆွေများ ဖြစ်ကြပြီး . . . . .။
(ကာယကံရှင်တို့ ထိခိုက်နင့်နာမှု မရှိကြစေရန် နာမည်များ ပြောင်းလွှဲထား၏။ နာမည်လွှဲလိုက်မှ မဆိုင်သူများနှင့် တိုက်ဆိုင်နေလျှင် . . .။ ဖြစ်တတ်သည်။ ယေဘုယျအားဖြင့် လူရေးသောစာသည် လူ့အကြောင်းသာ ဖြစ်တတ်ရာ လူရေးသောစာကို လူစာတတ်သူက ဖတ်မိပြီး “ငါ့အကြောင်း ရေးထားတာပဲ . . . . .”ဟု . . . . .။ စာရေးသူ)
အဆိုပါ အ၀ှာတို့၏ ဆက်ဆံရေးသည် တရုတ်နှစ်သစ်ကူး ရာသီ၌ သိုသိုသိပ်သိပ် သိပ်သိပ်သည်းသည်း ဖြစ်လာ၏။ အ၀ှာထီးနှင့် အ၀ှာမတို့ အားလပ်ရက် ရကြ၍ အားအားယားယား ချက်တင်းနှောကြသည်။ ဤသို့ . . . . .။ နောက်ဆုံး၌ မရည်ရွယ်ဘဲ (သို့မဟုတ်) ရည်ရွယ်ရင်းအတိုင်း ချစ်တင်းနှောသွားကြ၏။ (ကိုအ၀ှာသည် မြာပွေသူ ဖြစ်ပြီး မအ၀ှာသည် ရှာနေသူဖြစ်သည်ဟု ယူဆရ၏။ စာရေးသူ)
-----
ဂျီတော့နှင့်ချက်။ ထွက်၍တစ်ခါ ဖေ့စ်ဘွတ်မှာ။ အာကလိအောက် အောက်ကလိအာ။ ဘာသာတူ လူမျိုးတူ။ ငြူစူကင်းစင်။ သွင်ပြင်ပုံပန်း နတ်နှယ်ဆန်း။ ငန်းငန်းတက် ဗီဇက်အို။ ငြိုငြင်ပြန်လျှင် ဖုန်းဆက်။ မက်ဆေ့ခ်ျ ပို့တန်ပို့။ သို့ကလို နေ့နှင့်ည။ မအ၀ှာနှင့် ကိုအ၀ှာ။
-----
“ဟိုင်း အ၀ှာ”
“ဟိုင်း ကိုကို”
. . . . . . . . . .
. . . . . . . . . .
. . . . . . . . . .
“ တွေ့ရအောင်။ မနက်ဖြန်လား။ သန်ဘက်ခါလား။ အခု ညတွင်းချင်းလား။ :) :) :)”
“:) မနက်ဖြန်ကျရင် အိမ်ကလူတွေ နှစ်သစ်ကူးပါတီ သွားကြမှာ။”
“:) :) :) လိပ်စာပြော။”
“. . . . . . . . . . Singapore 8 . 8 . 88 ”
“အိုကေ။”
-----
ကိုအ၀ှာသည် အိမ်မက်ယာမက် ကောင်းစွာမက်၍ မနက်အစောကြီး နိုးလာ၏။ စောစောထ။ သွားတိုက်။ မျက်နှာသစ်။ အိပ်ယာသိမ်း။ ရေးချိုး။ . . . . . နေမွန်းမတည့်မီ မအ၀ှာ၏ နေအိမ်မင်္ဂလာသို့ ကြွမြန်းနိုင်လေ၏။ တစ်နာရီအတွင်း ဆိုက်ဆိုက်မြိုက်မြိုက် ရောက်သွားသည်။ နေရာမှန်သည်။ အလွတ်ကျက်ထားသည့် လိပ်စာကို ပြန်ကြည့်စရာပင် မလိုပေ။ တစ်ခုသာ မှားနေသည်။ မအ၀ှာ၏ နေအိမ်တံခါး သော့ခတ်၍ ပိတ်ထားသည်။ ကိုအ၀ှာ ဆုတ်ပြန်ရန်သာ ရှိတော့သည်။
-----
Comment:
“မနက်ဖြန်ကျရင် အိမ်ကလူတွေ နှစ်သစ်ကူးပါတီ သွားကြမှာ”
:)
ရှင်အာစာရ
21Jan12
မှတ်ချက် -
“ဖြစ်ရပ်မှန် မဟုတ်ပါ။”
Happy Lunar New Year!
No comments:
Post a Comment