Jantu-sutta - ဇန္တုသုတ်

ဒီစာကို ရေးခဲ့တာကြာပါပြီ (၁၅-၁၀-၂၀၁၀)။ နီးစပ်ခင်မင်ရာ ပြပြီးအဖတ်ခိုင်းတော့ တစ်ချို့က သိပ်မကြိုက်ကြဘူး။ ဒါနဲ့ မေ့ထားလိုက်ရော။ ခု ပြန်ဖတ်ကြည့်တော့ စာကောင်းတစ်ပုဒ် (မကောင်းလှတောင်မှ အဆိုးအသွမ်းကြီးမဟုတ်)လို့ ထင်မိတာနဲ့ အားလုံးကို ပေးဖတ်လိုက်ပါတယ်။

ပါဠိတော်မြန်မာပြန်

သံယုတ္တနိကာယ်၊ သဂါထာဝဂ္ဂသံယုတ်

နာနာတိတ္ထိယ၀ဂ်၊ ဒေ၀ပုတ္တသံယုတ်

ဇန္တုသုတ်

တုတ်ထိုးအိုးပေါက် နှင့် ကပေါက်တိကပေါက်ချာ

ဆက်သွယ်ရန်

သမ္ဗဟုလာ ဘိက္ခူ၊ အရညကုဋိကာယ၊ ဟိမ၀န္တပေဿ၊ ကောသလေသု

ဓမ္မကာမီ ဓမ္မစာရီ ဗြဟ္မ၀ိဟာရီ အရည၀ါသီ တောပျော်ရဟန်းတော်များသမဂ္ဂ

တောရကျောင်း၊ ဟိမ၀န္တာတောင်နံပါး၊ ကောသလတိုင်း

အမှတ်?၊ စတိုက်သေတ္တာအမှတ်?၊ ဖုန်း - ?၊ ဖက်စ် - ?

လက်ကိုင်ဖုန်း - ?၊ ၀က်ဘ်ဆိုက်၊ ဘလော့?၊ အီးမေးလ် - ?

. . .?၊ . . .?၊ . . .?။

(ဘုရားရှင်လက်ထက်က လိပ်စာဖြစ်သောကြောင့် ဆက်သွယ်ရေး အချက်အလက်များ ယေဘုယျဆန်နေ၏။ ဘာသာပြန်ဆိုသူ။)

ဂုဏ်ထူးဝိသေသ

သာမဂ္ဂီအရှင်တို့ကား တောကြိုအုံကြားမှာ နေသော်လည်း ခေသူများ မဟုတ်ကြ။ ညီတော်အာနန္ဒာ၏ မှတ်တမ်းအရ ထိုအရှင်တို့သည် ဆယ်ဘွဲ့ရများ ဖြစ်ကြ၏။ လျော်ကန်သော အကြောင်းဟိတ်တို့ကြောင့် အောက်ဖော်ပြပါအတိုင်း ဘွဲ့တံဆိပ်တော် ဆယ်မျိုး ထိုက်ထိုက်တန်တန် ဆက်ကပ်ပူဇော်ခြင်း ခံကြရလေ၏။

၁။  စိတ်မပြတ်သားခြင်းကြောင့် ဥဒ္ဓတဘွဲ့တံဆိပ်တော်၊

၂။၊ မာန်စောင်ခြင်းကြောင့် ဥန္နဠဘွဲ့တံဆိပ်တော်၊

၃။၊ လျှပ်ပေါ်လော်လီခြင်းကြောင့် စပလဘွဲ့တံဆိပ်တော်၊

၎။ နှုတ်ကြမ်းခြင်းကြောင့် မုခရဘွဲ့တံဆိပ်တော်၊

၅။ ပေါက်တတ်ကရပြောခြင်းကြောင့် ၀ိကိဏ္ဏ၀ါစာဘွဲ့တံဆိပ်တော်၊

၆။ သတိလက်လွတ် ငှက်တောင်ကျွတ်ခြင်းကြောင့် မုဋ္ဌဿတိဘွဲ့တံဆိပ်တော်၊

၇။ ဆင်ခြင်ဥာဏ် ခန်းခြောက်ခြင်းကြောင့် အသမ္ပဇာနဘွဲ့တံဆိပ်တော်၊

၈။ သမာဓိကင်းခြင်းကြောင့် အသမာဟိတဘွဲ့တံဆိပ်တော်၊

၉။ စိတ်ဂနာမငြိမ်ခြင်းကြောင့် ၀ိဗ္ဘန္တစိတ္တဘွဲ့တံဆိပ်တော်၊

၁၀။ ဣနြေ္ဒမဆည်ခြင်းကြောင့် ပါကတိန္ဒြိယဘွဲ့တံဆိပ်တော်။

ဧည့်သည်

တဒဟုပေါသထေ ပန္နရသေ . . . ။ ဆယ့်ငါ့ရက်ဥပုသ် လပြည့်နေ့တစ်နေ့။ အထက်ဖော်ပြပါ လိပ်စာအတိုင်း သာမဂ္ဂီအရှင်တို့ထံသို့ တခုတ်တရ ရောက်လာသူ။ ဧည့်သည် ဇန္တု။ ကိုယ်ရောင်ကိုယ်ဝါ တောက်ပသူ။ သာသနာတော်ကို ကြည်ညိုသူ။ ဘွင်းဘွင်းသမား။ အူယားနှုတ်ယား ဖြစ်လွန်း၍ ရောက်လာခြင်း ဖြစ်ဟန်တူ။

ဘွင်းဘွင်းဖွင့်သံ

“သုခဇီဝိနော ပုရေ အာသုံ . . . ။ အရင်ကဆို ဘုရားသား ဘုန်းဘုန်းဘုရားတွေ ဘ၀တည်ဆောက်ပုံ ရိုးလိုက်ရှင်းလိုက်တာ။ စားစရာ နေစရာ ဘာမှ တပ်မက်ကြတာမဟုတ်။ သပိတ်ရှိ ဗိုက်ပြည့်။ သစ်ပင်ရှိ ကျောင်းရှိ။ ချမ်းသာတယ် ချမ်းသာတယ်။ ဒီလောက ဘာမှမဟုတ်ဘူးဆိုတာ သိကြတာကိုး။”

“ဣဓေကစ္စေ ၀ဒါမဟံ . . .။ ခုခေတ်ကျတော့ တစ်ချို့ဘုန်းဘုန်းတွေ နေထိုင်ရှင်သန်ပုံ ဆောင့်ကြွားကြွား နိုင်လွန်းလိုက်ပုံများ။ ဒကာဒကာမတွေကို မှီခိုရတဲ့ ပရဒတ္တူပဇီဝီ ဆိုပေမယ့် ကုန်သည်ကြီးတွေလိုလို ပွဲစားကြီးတွေလိုလို ကုမ္ပဏီကြီးများ ပိုင်ရှင်ကြီးတွေလိုလို သန်းကြွယ်သူဌေးကြီးတွေလိုလို ဆယ်အိမ်ခေါင်းကြီးတွေလိုလို မ-၀-တကြီးတွေလိုလို ဗိုလ်မှူးကြီးတွေလိုလို ဗိုလ်ချုပ်ကြီးတွေလိုလို။ စားလိုက်တာလည်း ပက်ပက်စက်စက်။ အိပ်လိုက်တာလည်း တရှူးရှူး တလူးလူး၊ တမိန့်တမိန့် တလိမ့်လိမ့်၊ တခေါခေါ တသောသော၊ ဖျာရာတံဆိပ် ကိုယ်လုံးပြည့်နှိပ်။ လူတွေပိုင်တဲ့ အိမ်တွေ၊ ကားတွေ၊ သားတွေ၊ မယားတွေ၊ ထွေလီကာလီ လောကီမှန်သမျှကိုလည်း မျက်စောင်းတထိုးထိုး၊ သွားရည်တယိုယို။”

“သံဃဿ အဉ္ဇလိံ ကတွာ . . .။ ဘုန်းဘုရားတို့ကို လက်ဆယ်ဖြာ ထိပ်မှာမိုးလို့ တပည့်တော် လျှောက်ထားလိုပါတယ် ဘုရား။ ပျံတော်မူရင် ၀ုန်းခနဲကျပြီး ပလုံခနဲမြုတ်မယ့် တည်ရာမဲ့ အဲဒီဘုန်းဘုန်းတွေကို ပျံတော်မမူခင်ကတည်းကပဲ အသေကောင်လို သဘောထား ပြီးတော့သာ စွန့်ပစ်လိုက်ကြပါတော့ ဘုရား။”

“အပ၀ိဒ္ဓါ အနာထာ တေ . . .။ ပေါက်လွှတ်ပဲစား ကပေါက်တိကပေါက်ချာ ဘုန်းဘုန်းတွေကိုသာ ရည်ရွယ်ပြီး ရှင်းရှင်းဘွင်းဘွင်း လျှောက်ရတာပါ ဘုရား။ ဟန်ရပန်ရ ဘုန်းဘုန်းတွေကိုတော့ တပည့်တော် ဦးတင်ပါတယ် ဘုရား။”

ဣတိ၊ ပြီး၏။

-------------

သံယုတ္တနိကာယော

သဂါထာဝဂ္ဂေါ

နာနာတိတ္ထိယ၀ဂ္ဂေါ

ဒေ၀ပုတ္တသံယုတ္တံ

ဇန္တုသုတ္တံ

ဧ၀ံ မေ သုတံ - ဧကံ သမယံ သမ္ဗဟုလာ ဘိက္ခူ, ကောသလေသု ၀ိဟရန္တိ ဟိမ၀န္တပေဿ အရညကုဋိကာယ ဥဒ္ဓတာ ဥန္နဠာ စပလာ မုခရာ ၀ိကိဏ္ဏ၀ါစာ မုဋ္ဌဿတိနော အသမ္ပဇာနာ အသမာဟိတာ ၀ိဗ္ဘန္တစိတ္တာ ပါကတိန္ဒြိယာ။

အထ ခေါ ဇန္တု ဒေ၀ပုတ္တော တဒဟုပေါသထေ ပန္နရသေ ယေန တေ ဘိက္ခူ တေနုပသင်္ကမိ; ဥပသင်္ကမိတွာ တေ ဘိက္ခူ ဂါထာဟိ အဇ္ဈဘာသိ -

“သုခဇီဝိနော ပုရေ အာသုံ၊ ဘိက္ခူ ဂေါတမသာဝကာ။

အနိစ္ဆာ ပိဏ္ဍမေသနာ၊ အနိစ္ဆာ သယနာသနံ။

လောကေ အနိစ္စတံ ဉတွာ၊ ဒုက္ခဿန္တံ အကံသု တေ။

“ဒုပ္ပေါသံ ကတွာ အတ္တာနံ၊ ဂါမေ ဂါမဏိကာ ၀ိယ။

ဘုတွာ ဘုတွာ နိပဇ္ဇန္တိ၊ ပရာဂါရေသု မုစ္ဆိတာ။

“သံဃဿ အဉ္ဇလိံ ကတွာ၊ ဣဓေကစ္စေ ၀ဒါမဟံ။

အပ၀ိဒ္ဓါ အနာထာ တေ၊ ယထာ ပေတာ တတေ၀ တေ။

“ယေ ခေါ ပမတ္တာ ၀ိဟရန္တိ၊ တေ မေ သန္ဓာယ ဘာသိတံ။

ယေ အပ္ပမတ္တာ ၀ိဟရန္တိ၊ နမော တေသံ ကရောမဟ”န္တိ။